Vielen Dank an all meine Kundinnen und Kunden und in das entgegen gebrachte Vertrauen.
Ich wünsch immer eine gute und sichere Fahrt und denkt an den Schulterblick
Es Grüsst euch Andy
193 Einträge.
Andy isch en super fahrlehrer! Er tuet alli schüeler individuell behandle und bringt eus mit jedere fahrstund näher zun Ziel. Sini fahrstunde sind immer spannend und ich ha mich immer druf gfreut. Er nimmt sich die ziit zum alles detailiert zerchläre - und wenn mer mal ned drus chunnt tuet ers so oft erchläre dass mer drus chunnt. Au während de stunde luegt er immer dass sini fahrschüeler sich wohl fühlet!
Seeehr seeeehr empfehlenswert! Ha die ziit gnosse!
Bin unendlich dankbar 🙂
Was sölli au sega über dr Andy..Er isch eifach genial..Han doch as paaaar Fahrstunda brucht und es het grad klappt.Han immer a riesa Freud kha zum bi ihm in Fahrstund könna go und er het miar extrem gholfa und mis Selbstvertraua gstärkt, was nit ganz eifach gsi isch. Bin sooooo froh hani dr Andy als Fahrlehrer gwählt kha. Kann ihn also zu 10000000000000% witer empfehla. Git kei bessera. Tusig Dank für alles Andy!!!!
Hallo Andy
Herzliche Dank für die lustige und lehrreiche Fahrstunde! Ich bin echt erleichteret, dass es nach mehr wie 16 Jahre Pause, dank Dir ä so guet gloffe isch zum wieder e chli drii z cho. Gerne werde ich an die Zyyt mit Dir zrugg denke und die lustige Witze in Erinnerig behalten. Das hätt s'Ganze ase uf gelockeret! ?
Seehr gerne werde ich Dich weiter empfehlen! Mach' weiter so!
Heb Dir Sorge & alles Gueti! LG Heidi
Ich han mich immer mega gfreut zum Andy id Fahrstund z'ga, er isch en mega kompetente und nette Fahrlehrer. Er isch immer guet druff und bringt eim s'Fahre mit Humor bi. Ich han mich immer sehr wohl gfühlt und würd de Andy jedem wiiter Empfehle!?
Mini Autolernfahr-Erfahrige sind bizli ungwöhnlich gsi, da ich vorem Andy vor allem privat ohni Fahrlehrer bin go fahre. Bevori aber ad Prüefig bin hani no paar sehr intensivi Fahrstunde bim Andy gha, wo mir denn no di letschti, nötigi Fähigkeite fürd Prüefig gäh hend. I dene wenige Stund bim Andy hani so vill glernt. Er isch fachlich sehr kompetent, sini jahrelangi Erfahrig bringt eim mega vill. S‘Zwüschemänschliche isch bi ihm höch gschribe, es isch mega agnähm mit ihm im Auto zhocke und er bringt e sehr ruhigi, aber trotzdem spassigi Atmosphäre is ganze ine. Er isch sehr ehrlich und checkt genau, wo mer staht bim Autofahre und bereitet eim perfekt für Prüefig vor. Danke dir Andy für dini Ziit und dis unkomplizierte, spontane Ufträtte!
D Fahrstunde bim Andy sind immer sehr aagnehm und interessant gsi und hend vor allem au immer Spass gmacht. Ich han definitiv vo de vile Tipps und Informationen profitiert und es isch au nie langwiilig gsi. Vor allem au i dere schwirige Ziit im Moment bini froh gsi um die Kompetenz voner zeigt het 🙂 Es isch immer verlässlich und unkompliziert gsi. Dank ihm hani d Prüefig au grad bim erschte Mal bestande. Ich würd ihn uf jede Fall wiiterempfele 🙂 Danke für die super Fahrstunde 😀
Ich han mich für eh probe stund bim andy entschiede wege sim super gästebuech. Nach dere stund womer scho ufd strass sind ? bini blibe.
Es isch zu ? % die richtig entscheidig gsi!
Er isch meega sympatisch, zwüschemänschlich super! Er het viel geduld zum d sache au mehrmals z erchläre wenns das brucht. Immer guet gluhnt, was würklich ahsteckend isch ??
Er het es meega wüsse woner teilt het mit mir, nid nur dass woner „muess“ sondern au privati tipps!
Ich chan ihn ehrlich und vo herze wiiter entfehle!!
Sin fiat isch meega ahgnehm zum fahre ?
Ich muen sege, dass ich mich immer gfreut han wenn ich han chöne zu dir id Fahrstund. Bisch en mega symphatische, humorvolle und unkomplizierte Fahrlehrer gsi. Du hesch immer genau gwüsst, wie du mini Unsicherheite hesch chöne stärche, sodass ich mich au selber sicher gfühlt han. Ich bin ehrlichgseit echli trurig gsi, dass ich d Autoprüefig scho bim 1. Mal bestande han. Also wer no en fahrlehrer brucht, ab zum andy!☀️
Fahrstunde hend immer spass gmacht, sind unterhaltsam gsii und hesch viel glernt. De vorteil bim Andy isch das er viel erfahrig het und weiss wenn du parat bisch für d'prüefig.
Merci für alles ? chan ich jedem empfehle?
Ich muss ganz ehrlich sege das es die besti Entscheidig gsi isch zum Andy it Fahrschuel z gah. Ich han hüt grad mini Füehrerprüefig kah und bim 1ste mal bestande. Das hetti niemals im Lebe ohni ihn gschaft. Er Isch sehr en sympathische Mensch mit ere guete usstrahlig und enem guete Humor. Währed em fahre han ich mich mit ihm nebed drah immer sicher gfühlt. Er chan sehr guet erchläre sodass mers au sofort uf de Strass umsetze chan.
Was für viel vlt nah wichtig isch z wüsse. Er isch eine vo dene Fahrlehrer wo nöd unnötig viel Fahrlektione durezieh will um meh Geld z mache sondern luegt bi jedere Person einzeln wie viel sie scho glernt het bi de Lektione selber, wie au im Private rum und wie lang mer nah zemme go üebe muss.
Darum sind schlau und gönd da it Fahrschuel.
Danke viel mal Andy bisch en geile siech und de best Fahrlehrer.??